Autobuzi e ‘harroi’, trajneri i Napolit kthehet në shtëpi me taksi

Një ngjarje aspak e këndshme ka shoqëruar trajnerin e Napolit, i cili pas humbjes 2 me 0 në Romë, ka përjetuar edhe një tjetër moment të keq.

Walter Mazzarit iu desh të kthehej me taksi nga kryeqyteti i Romës pas humbjes.

Arsyeja e kësaj ndodhie është se trajneri italian u vonua shumë duke dhënë intervista pas ndeshjes me gazetarët dhe autobusi i ekipit nuk e ka pritur.

“La Repubblica” raporton se tekniku italian nuk u largua me autobusin e ekipit dhe u detyrua të udhëtonte për dy orë me taksi që të kthehej në Napoli.

Mazzari me valixhen e tij, priti taksinë në rrugë dhe udhëtoi për plot 226 kilometra për në Napoli. Ai mbërriti në agim, dhe madje as ky moment epik nuk iu shpëtoi kamerave.

pic.twitter.com/x4B37OsOfH

— OcwSport.com (@ocwsport) December 24, 2023