Autokombajna djeg sipërfaqen me grurë, shpëton mrekullisht banesa

Një autokombajnë e cila ishte duke korrur grurin në fshatin Toç në Bashkinë Memaliaj, ka shkaktuar dëme të mëdha.

Teksa mjeti ishte duke korrur grurin ka lëshuar shkëndija duke shkaktuar zjarr në sipërfaqe të mbjellë me grurë.

Menjëherë ka reaguar reparti zjarrfikës i Memaliajit, i cili ka shmangur avancimin e flakëve në sipërfaqe më të madhe.

Flakët e zjarrit i janë afruar edhe një banese, por ka shpëtuar fale ndërhyrjes në kohë të zjarrfikësve. Grupi hetimor ndodhet në vendngjarje.