Tre persona kanë rënë në prangat e policisë së Korçës pasi akuzohen për kultivimin kanabisi dhe drejtim automjeti në mënyrë të parregullt.
Mësohet se, gjatë kontrollit në banesën e O. E., shërbimet e policisë kanë gjetur 1 armë zjarri tip automatik me një krehër me 25 fishekë, si edhe një sasi me lëndë të dyshuar narkotike Cannabis Sativa, të cilat u sekuestruan në cilësinë e provës materiale.
Në përfundim të veprimeve specialistët për Hetimin e Krimeve në Komisariatin e Policisë Korçë, bënë arrestimin në flagrancë të O. E., 40 vjeç.
Gjithashtu është arrestuar dhe S. A., 32 vjeç, banues në fshatin Buçimas, Pogradec, pasi në rrugën “Rinia” në Pogradec, u kap duke drejtuar pa leje drejtimi mjetin motor tip “Lonçin” pa targë dhe gjatë kontrollit fizik iu gjet në xhep një sasi e vogël me lëndë të dyshuar narkotike Cannabis Sativa, e cila iu sekuestrua në cilësinë e provës materiale.
Gjithashtu është vënë në pranga A. H., 30 vjeç, banues në Pogradec, pasi u kap duke drejtuar në gjendje të dehur, mjetin tip “BMW”.
Materialet në ngarkim të tyre i kaluan Prokurorive së Rretheve Gjyqësore Korçë e Pogradec për veprime të mëtejshme.
