Një aksident është shënuar në mesditën e sotme në fshatin Gurakuq, ku një makinë ka humbur kontrollin dhe ka dalë nga rruga. Si pasojë, është dëmtuar drejtuesi i mjetit dhe 5 persona të tjera që gjendeshin në makinë, nga të cilët 3 janë të mitur.
Njoftimi i policisë
Librazhd/Informacion paraprak
Mesditën e sotme, në fshatin Gurakuq, shtetasi I. S., 64 vjeç, duke drejtuar automjetin tip “Mitsubishi”, ka humbur kontrollin mbi drejtimin e automjetit dhe për pasojë automjeti ka dalë nga rruga.
Nga ky aksident, janë dëmtuar drejtuesi i automjetit dhe shtetasit B. S., 38 vjeç, B. S., 33 vjeçe dhe 3 fëmijë të mitur, të moshave 9, 6 dhe 2 vjeç, pasagjerë në këtë automjet, të cilët ndodhen në kujdesin e mjekëve, jashtë rrezikut për jetën.
Grupit hetimor po punon për përcaktimin e shkaqeve të këtij aksidenti.
Discussion about this post