Dy persona mbetën të plagosur si pasojë e një aksidenti që ndodhi mbrëmjen e sotme në aksin Bilisht-Kapshticë, në afërsi të Stacionit të Policisë Kufitare Kapshticë.
Policia bën me dije se shtetasi I. Z., duke drejtuar automjetin tip “Benz”, dyshohet se ka humbur kontrollin mbi drejtimin e tij dhe automjeti ka dalë nga rruga.
Për pasojë janë dëmtuar drejtuesi I. Z. dhe pasagjeri në këtë automjet shtetasi D. M., të cilët u dërguan për mjekim në spitalin e Bilishtit.
Grupi hetimor po punon për zbardhjen e rrethanave të aksidentit.
Discussion about this post