Ka ndërruar jetë në moshën 91-vjeçare dramaturgu e shkrimtari i njohur, Fadil Kraja. Kraja është autor i mbi 50 dramave dhe komedive, ndërsa mbante edhe titullin e lartë ‘Mjeshtër i madh’.
Lajmin e hidhur e ka dhënë Teatri ‘Migjeni’ në Shkodër, përmes një mesazhi në rrjetet sociale. Mësohet se në nder të tij do të mbahen homazhe nesër nga ora 9-12, në hollin e teatrit “Migjeni”
“Me hidhërim të thellë njoftojmë se vdiq në moshën 91 vjeçare, shkrimtari e dramaturgu i shquar shqiptar, “Kalorësi i urdhrit së Skëndërbeut”, “Mjeshtri i Madh”, “ Krenaria e Qytetit”, Fadil Kraja.
Homazhet për këtë figurë të shquar zhvillohen nesër, me datë 19, nga ora 9-12, në hollin e teatrit “Migjeni” Teatri “Migjeni” i shpreh ngushëllimet e sinqerta familjes dhe gjithë komunitetit të artistëve”, njofton teatri Migjeni.
Fadil Kraja kontribuoi për vite me radhë si një mësues i nderuar në fshat e qytet duke nxjerrë nga duart e tij nxënës e studentë që u shquan me pas në fusha të ndryshme si letërsi dhe art. Ai luajti rol të madh edhe në gjallërimin e Gjimnazit të Shkodrës si mësues i letërsisë. Më vonë ai punoi si pedagog i letërsisë në Universitetin “Luigj Gurakuqi” – Shkodër.
Discussion about this post