Dy persona janë arrestuar në Vlorë në kuadër të operacionit policor të koduar “Rulot”.
Policia ka zbardhur dhe dokumentuar 6 raste të vjedhjes, të kryera në Dukat, Radhimë dhe Orikum, teksa janë vënë në pranga dy autorët e dyshuar.
Në pranga kanë rënë shtetasit Jemin Selamaj dhe Genci Goxhoj.
Nga veprimet hetimore dyshohet se këta shtetas, më datë 14.12.2024, në fshatin Dukat, kanë vjedhur një shumë prej 700 euro dhe 25,000 lekë në banesën e një shtetaseje dhe një rulot në pronësi të një shtetasi, i cili u gjet dhe u sekuestrua në oborrin e Genci Goxhojt.
Gjithashtu, nga hetimet ka rezultuar se këta shtetas dyshohen si autorë të 4 vjedhjeve të tjera të kryera gjatë 3 muajve te fundit, konkretisht: Vjedhje të disa koshereve të bletëve në Radhimë dhe Llogara dhe vjedhje të disa bagëtive në Radhimë dhe Orikum.
Discussion about this post