Familjarët e 8-vjeçarit, kanë kontrolluar makinat e policisë për të parë nëse autori i krimit ndodhej aty, teksa dyshojnë se Klodian Çalamani, ka mbërritur në gjykatë dhe është futur në ambientet e brendshme të godinës nga një derë tjetër.Ata kanë thyer portën e gjykatës duke tentuar të kalojnë përtej koordonit policor, për të hyrë brenda godinës së gjykatës së Fierit.
Ndërkohë, shefi i komisariatitit dhe efektivët e policisë mohojnë që Klodian Çalamani, të ketë arritur në gjykatën e Fierit.Autori i krimit pritej të merrte sot, në orën 10:00, masën e arrestit nga trupa gjykuese.
Thirrjes së familjarëve të 8-vjeçarit që u vra në mënyrë monstruoze nga Klodian Çalamani, për të protestuar para Gjykatës së Fierit, i janë përgjigjur qytetarë të ndryshëm dhe nxënës të shkollës, të cilët i janë bashkuar familjarëve jashtë dyerve të gjykatës.
“Do ta presim këtu, do ta varim vetë, ta tërheqim zvarrë .Të varet të bëhet shembull.Ta tërheqim zvarrë.”, shprehen qytetarët e revoltuar.
Familjarët e 8-vjeçarit që u vra në mënyrë monstruoze nga fqinji i tij Klodian Çalamani, janë shfaqur sot në gjykatë para se autori të mbërrinte, ku situata ka përshkallëzuar duke hyrë me forcë në ambientet e brendshme të godinës.Ata kërkojnë përballje me autorin e krimit, teksa shfaqen të tensionuar, duke konfrontuar forcat policore që i ndalojnë.
Discussion about this post