Autoritetet në Filipine: Po rritet numri i punëtorëve që trafikohen drejt Shqipërisë

Byroja e Imigracionit në Filipine ka ngritur shqetësime lidhur me numrin në rritje të filipinasve që trafikohen drejt Shqipërisë.

Më 28 qershor të vitit të kaluar tre filipinas u ndaluan nga oficerët e imigracionit në Terminalin 3 të Aeroportit Ndërkombëtar Ninoy Aquino (NAIA) dhe sipas Byrosë së Imigracionit nuk u lejuan të hipnin në fluturimin e tyre për në Malajzi. Ata pretenduan se ishin turistë, por më vonë pranuan se u ishte premtuar punë në Shqipëri si mirëmbajtës, punëtor fabrike dhe kamerier.

Sipas autoriteteve të imigracionit, tre filipinasit e ndaluar pretenduan se kishin paguar midis 34,000 dhe 74,000 rupi rekrutuesve që kishin kontaktuar përmes Facebook Messenger.

Pas dërgimit të pagesave, BI tha se rekrutuesit e dyshuar i bllokuan tre filipinasit në internet dhe nuk ju dhanë udhëzime të mëtejshme ose dokumentacion të vlefshëm.

“Tani po shohim një rritje të dukshme të largimeve të paligjshme me destinacion Shqipërinë dhe këto nuk janë raste të izoluara”, tha në një deklaratë Komisioneri i BI-së, Joel Anthony M. Viado.

Viado tha se Këshilli Ndër-Agjenci Kundër Trafikimit (IACAT) është informuar në mënyrë që të bëhen më shumë përpjekje në ndjekjen e rekrutuesve të paligjshëm.