Një adoleshent shqiptar është zhdukur pa lënë gjurmë në zonën e Wrexham në Britaninë e Madhe. Për pasojë, autoritetet kanë ngritur alarmin, teksa raportohet se 17-vjeçari i quajtur Luan, u pa për herë të fundit të hënën, më 19 shtator rreth orës 20:00.
Ekipi i policisë së Wrexham Rural bën apel për këdo që e ka parë adoleshentin, që ti drejtohet komisariatit për të dhënë informacionin përkatës.
Një zëdhënës i Policisë Rurale në Wrexham tha: Ne jemi të shqetësuar për 17-vjeçarin, i cili nuk është parë që nga ora 20:00 e së hënës, 19 shtator.
Ai përshkruhet se ka flokë të shkurtër ngjyrë kafe të errët, me trup të mesëm dhe rreth 170 cm i gjatë. Po ashtu autoritetet shtuan se Luani flet me theks shqiptar.
Sakaq fati i adoleshentit shqiptar mbetet ende i paditur, ndërsa policia britanike po vazhdon hetimet në zonën e fundit ku ai është parë.
Discussion about this post