Autoritetet shqiptare që merren me përgatitjet për pritjen e afganëve nxjerrin detaje të reja në lidhje me të ardhmen e afganëve.
Sipas tyre, të gjithë afganët që do të vijnë në Shqipëri do t’u ofrohet mundësia e aplikimit si mundësi e parë azil politik. Arsyeja e kësaj është për të zbatuar ligjin shqiptarë i cili parashikon detyrimisht aplikimin e një leje qëndrimi në vendin tonë bazuar në nenin 33 të konventës së Gjenevës për refugjatët si dhe me këtë proces do të merret Ministria e Brendshme përmes Drejtorisë së Kufirit dhe Emigracionit.
Arsyeja e dytë përse afganëve do t’u ofrohet azil politik në vendin tonë ka të bëjë me faktin se mund të ketë nga atë të cilët nuk përmbushin kriteret për marrjen e vizës së posaçme SIV, pas procesimit të aplikimit nga nëpunësit e ambasadës amerikane.
Ndërkohë afganëve do t’u duhet të provojnë para autoriteteve amerikane vizë-lëshuese bashkëpunimin me ushtrinë amerikane apo NATO-n në Afganistan.
Nuk dihet ende se kur do të mbërrij kontingjenti i parë i afganëve në Shqipëri, ndërsa autoritetet shqiptare besojnë se gjatë mbrëmjes të së premtes mund të niset një avion drejt Tiranës por asgjë nuk është e sigurt.
Sakaq gjatë kësaj të premteje nga aeroporti Kabulit ka vijuar evakuimi.
