Një dokument i Autoritetit të Dosjeve u dërgua në Kuvend për presidentin Ilir Meta që ka qenë bashkëpunëtor i ish-Sigurimit të Shtetit duke ndezur kështu debate nga ana e opozitës. Ish-deputeti Myslym Murrizi ka reaguar përmes një porstimi. Ai thotë se mes socialistëve ka vetë spiunë.
“Pse u kujtuat pikërisht pas dy vitesh që dashka votuar ky ligj?? Apo mendoni që ju ka rënë pak numri i spiunëve të sigurimit në grupin tuaj parlamentare??? Ehhhhh sa spiunë keni aty në grupin tuaj parlamentare saqë do habiteni edhe vetë Bile ka mundësi tu rrëzohet “udhëheqja” në parlament e në grup”, shkruan Murrizi.
Më tej, ai nxjerr disa dokumente që tregojnë se në qershor 2020 mazhoranca socialiste rrëzoi me vota në Kuvend një propozim të opozitës së atëhershme, “opozita e re”, për të hapur të gjitha dosjet e komunizmit.
“A nuk ishit po ju në atë sallë të pështirë që rrinit si të menderosur në qershor 2020 kur unë se bashku me 18 koleg deputet jo spiun ju propozuam të votonit ligjin për të hapur dosjet? Pse në qershor 2020 votuar rresht si vemje kundra këtij ligji”, vijon ai.
Discussion about this post