Një ndër arenat më të njohura të vendit n Suedi, po riemërohet “Avicii Arena”, për nder të DJ të njohur suedez.
Babai i Aviciit e bëri njoftimin të mërkurën, rreth tri vite pasi DJ dhe producenti suedez ndërroi jetë.
Arena e brendshme në Stokholm, e cila u hap për herë të parë në vitin 1989, quhej më parë ‘Ericsson Globe’. Ajo u emërua ‘Stockholm Globe Arena’ deri në vitin 2009.
“Ishte një moment i rëndësishëm në karrierën e Timit kur ai performoi këtu nëntë vjet më parë, dhe ai do të ishte jashtëzakonisht krenar që kjo ndërtesë ikonike nga sot do të mbajë emrin e tij”, tha babai i Aviciit, Klas Bergling, në një deklaratë.
Tim Bergling, ose i njohur ndryshe si Avicii, ndërroi jetë në moshën 28-vjeçare në vitin 2018.
