Forcat Ajrore izraelite thonë se avionët e saj luftarakëkanë goditur një “komponim që i përket shefit të departamentit të inteligjencës në organizatën terroriste Hamas”.
Avionët izraelitë kanë goditur një numër objektivash në Rripin e Gazës që kur militantët kaluan në territorin izraelit të shtunën.
Autoritetet palestineze thonë se më shumë se 250 persona janë vrarë.
Forca Ajrore izraelite thotë gjithashtu se ka shënjestruar:
- Dy banka “që i përkasin organizatës terroriste Hamas për fondet e terrorit”
- Një vend “prodhimi i armëve ajrore” që i përket “organizatës terroriste të Xhihadit Islamik” (një grup i veçantë i Hamasit)
- Një ndërtesë “përfshirë zyra dhe njësi magazinimi” ku ruheshin armë dhe pajisje ushtarake
Zyrtarët palestinezë thonë se 256 civilë janë vrarë nga sulmet izraelite, me gati 1,800 të plagosur.
Avionët luftarakë izraelitë kanë goditur 150 objektiva që nga fillimi i sulmeve hakmarrëse, tha një burim palestinez i sigurisë për BBC.
Kjo përfshinte disa komplekse ku besohej se banonin liderët e Hamasit.
Njëzet e katër palestinezë, duke përfshirë dy gra dhe katër fëmijë, janë vrarë që nga mesnata (21:00 GMT), tha burimi.
Discussion about this post