Ministria e Mbrojtjes ruse ka kërcënuar vendet e tjera të Europës që lejojnë avionët ushtarakë Ukrainës të ulen në aeroportet e tyre, duke thënë se do i konsiderojë si pjesëmarrës në luftë.
Me anë të një postimi në Twitter Ministria e Mbrojtjes së Rusisë thekson se avionët ukrainas që po sulmojnë trupat ruse po lejohet të ulen në Rumani, duke shtuar se të gjitha vendet e tjera që do të lejojnë përdorimin e aeroporteve të tyre do të cilësohen si pjesëmarrëse aktive në konflikt.
“Avionët ukrainas që sulmojnë trupat tona po zbarkojnë në Rumani. Përdorimi i aeroporteve të vendeve të tjera do të njihet si pjesëmarrja e tyre aktive në konflikt”, shkruhet në Twitterin e Ministrisë së Mbrojtjes Ruse.
Shteti Ukrainas po përballet denjësisht me agresionin rus. Edhe pse u bën ditë tashmë, Ukraina qëndron në “këmbë” pavarësisht se dëmet njerëzore dhe materiale janë të panumërta, po ashtu nga ana e ushtrisë ruse ka humbje të mëdha.
Discussion about this post