Në Komisionin e Sigurisë, deputeti i PD-së Enkelejd Alibeaj është përplasur me ministrin e Brendshëm Bledi Çuçi, në lidhje me avionin e dyshimtë që u rrëzua një ditë më parë në Vermosh.
Alibeaj pyeti ministrin se çfarë parashikon ligji për dy pilotët që ranë në Vermosh dhe u larguan me makinë me mall, ndërkohë që ministri tha se nuk do ketë tolerancë ndaj krimit.
“ Çfarë parashikoni për dy të huaj pilot të një avioni që bien rastësisht në territorin shqiptar dhe zhduken nga një Fuoristradë dhe bashkë me pilotët merr edhe mallin brenda. Çfarë parashikon digasteri që ju drejtoni?”,ka pyetur ai.
Çuçi gjithashtu ka shtuar se ishte rrëzimi i avionit ishte aksident, duke rënë në kontradiktë me veten pasi më pas shton se do të ndëshkohen, pasi të përfundojnë hetimet.
“Pilotët? Aksident, ata do marrin ndëshkimin e ligjit. Hetimi ka filluar, policia ka nxjerrë një deklaratë por s’do ketë asnjë tolerancë për këtë gjë!”, është përgjigjur ai.
Çuçi u shpreh se ai nuk ishte zëdhënës i policisë dhe se në lidhje me ngjarjen po merreshin veprimet e nevojshme pa bërë asnjë tolerim.
