Episodi i ri i kësaj jave në serialin “The Kardashians”, tregon momentet pak para ditëlindjes së 42-të të Kimit, me motrën e saj Khloe Kardashian dhe shoqen Tracy Romulus duke planifikuar një udhëtim në Sin City, për të parë reperin Usher të performojë në një koncert.
Kimit iu bashkua Steph Shepherd, Malika Haqq, Tracy Romulus, Olivia Pierson, Natalie Halcro, Kris Jenner dhe Khloe në udhëtimin që u ndërpre.
Kjo pasi gjatë udhëtimit në aeroplan, ata fillojnë të përjetojnë disa turbulenca, ku `Khloe thotë: “Dihet se do të ketë turbulenca, kjo nuk është një tronditje”.
Ato udhëzohen të vendosin rripat e sigurimit, siç thotë Kris në rrëfim: “Epo, dikur kam qenë stjuardesë, kështu që jam shumë e mirë në të qenurit e qetë në aeroplan kur ka turbulenca, por duket pak ekstreme sonte”.
Turbulencat vijojnë teksa Kim thotë: “Dua t’i arrij të 43-at, të lutem”, ndërsa Khloe shton: “Po bëhem pak nervoze, nuk më pëlqejnë turbulencat. Kjo nuk është mënyra se si duhet të fillojë festa”.
Piloti zbulon me altoparlant se kontrollori i trafikut ajror nuk do t’i lejojë ata të ulen në Las Vegas, ‘kështu që për fat të keq opsioni ynë i vetëm tani është të kthehemi pas’.
Aeroplani ulet i sigurt përsëri në Los Angeles ndërsa piloti thotë: “Më falni që nuk funksionoi.”
Discussion about this post