Rikthimi për gjykim i çështjes “Gërdeci” është bërë nëpërmjet plagjiaturës, ky është përfundimi i bërë publik nga avokatët e ish-ministrit Mediu.
Sipas avokatëve të tij, kjo plagjiaturë është marrë nga tema e diplomës e studentit italian Mirko Massimo Petrachi në vitin shkollor 2002-2003. Avokatët e Mediut arsyetojnë më tej se ky qëndrim plagjiaturë përbën marrje të padrejtë të veprës së tjetrit në çdo probabilitet koicidence dhe mendimi të njëjtë e të krijuar paralel, produkt në mënyrë të pavarur nga gjyqtari i çështjes.
Arsyetimi i faqes 17 përkon me përkthimin e faqes 13 të temës së mbrojtur nga studenti italian në vitin 2002-2003, por me një përkthim “alla google”.
Sipas avokatëve bëhet fjalë për 4 çështje themelore që shkelen nga ky pseudogjykim.
Asnjë vendim pushimi gjyqësor nuk mund të rikthehet për vlerësim në fazën e seancës paraprake, aq më shume sipas avokatëve që ky vendim pushimi, në rastin konkret është marrë nga Gjykata më e Lartë e vendit.
SPAK ka bërë me dije se pak ditë më parë ka regjistruar procedimin penal për ish-ministrin Fatmir Mediu. Mbi të rëndojnë dy akuza: “Shpërdorim i detyrës në bashkëpunim” dhe “Shpërdorim i detyrës në bashkëpunim me një subjekt ushtarak”.
