Avokatët e Donald Trumpit i kërkuan dje gjykatës federale në Uashington, që të caktojë gjyqin e ish-presidentit për në prill 2026, me akuzat se ai dyshohet se u përpoq të anulonte humbjen e tij në zgjedhjet federale të vitit 2020 ndaj demokratit Joe Biden.
Kjo datë e kërkuar, do të jetë pas zgjedhjeve të nëntorit 2024 në SHBA, në të cilat Trump është kandidati kryesor për nominimin republikan.
Prokurori special kërkoi që fillimi i gjyqit të Trump të caktohet në janar 2024.
“Interesi publik qëndron te drejtësia dhe një gjyq i drejtë, jo në nxitimin për të gjykuar”, shkruan dje avokatët e Trumpit.
Prokurori i Posaçëm i SHBA, Jack Smith, zyra e të cilit po ndjek penalisht Trump në çështjen e zgjedhjeve federale të vitit 2020, të enjten e kaluar i kërkoi gjykatëses së qarkut të SHBA, Tanya Chutkan, që të caktojë gjyqin për 2 janar 2024.
Kjo datë është dy javë përpara votimeve të para në zgjedhjet presidenciale të vitit 2024.
Discussion about this post