Avokati i Ergys Agast, Maks Haxhia, në një prononcim për mediat jashtë ambienteve të GJKKO-së, e cila ka lënë në fuqi masën e sigurisë “Arrest me burg” për biznesmenin, tha se një prej akuzave të ngritura ndaj klientit të tij, ajo për heqjen e paligjshme të lirisë, është rrëzuar pas analizimit të provave.
Avokati tha se organi i akuzës ka paraqitur tashmë edhe një akuzë tjetër ndaj Agasit, atë të korrupsionit pasiv.
“Organi i akuzës sot erdhi me një akuzë tjetër, atë të “korrupsionit”, pra sot u vendos akuza ndaj Agasit për korrupsion pasiv”, tha ai.
Më tej, Haxhia bëri me dije se Ergys Agasi ka dhënë shpjegimet e tij para gjykatës dhe ka mohuar përfshirjen në tendera, përfitime financiare dhe se nuk ka qenë pjesë e grupeve kriminale në presione të ndryshme.
Avokati i Ergys Agasit, Maks Haxhia: Problemi është që akuza e heqjes së paligjshme të lirisë, e adresuar nga akuza ndaj Agasit, përfundimisht, me analizën që iu bë provave dhe vendimeve të organeve të prokurorisë, tregoi dhe çoi në çlirimin e kësaj akuze ndaj Ergys Agasit.
Organi i akuzës sot erdhi me një akuzë tjetër, atë të “korrupsionit”, pra sot u vendos akuza ndaj Agasit për korrupsion pasiv.
Që për ne do të thotë që pasiguria e materialit të paraqitur deri tani e ka ndjekur akuzën për të qëndruar në pozitat e presionit ndaj gjykatës. Sot u paraqit kjo akuzë.
Klienti foli dhe dha shpjegime dhe insistoi e provoi se nuk ka qenë asnjëherë pjesëmarrës në tendera, nuk ka pasur asnjë përfitim financiar nëpërmjet tenderimit dhe nuk ka qenë pjesë e grupeve kriminale në presione të ndryshme.
Discussion about this post