Avokati i Belerit: Proces i ngritur mbi montime dhe akuza politike

Gjykata e Vlorës caktoi masën e sigurisë “Arrest me burg”, për kandidatin e koalicionit “Bashkë Fitojmë”, i cili garonte për kryebashkiak.

Dosja e Fredi Belerit do t’i kalojë SPAK-ut, nën akuzën e blerjes së votave

Fredi Beleri, do të niset drejt Tiranës pas daljes nga Gjykata.

Pas këtij vendimi ka reaguar edhge avokati i Belerit, i cili e ka komentuar si një proces të ngritur tërësisht mbi montime dhe akuza politike.

“E vlerësuan të ligjshëm arrestin në flagrancë dhe caktuan SPAK-un si kompetencë, brenda 10 ditësh ndoshta do të bëhet vlefshmëria.

Nuk u faktuan akuzat, ishin veprime të stimuluara të policisë. Akuzë politikë dhe montim politik.

Fredi Beleri foli dhe tha pikërisht këto që po them unë.

Nuk u provua në asnjë moment, as ekzistenca e listave, ishte duke dalë jashtë lokalit dhe mënyra e rrëmbimit të konsistonte në gjetjen e ndonjë gjëje, por megjithëse ndodhi në flagrancë, nuk u gjet asgjë.

Kjo e ka forcuar më shumë, njerëzit do vijnë njerëzit dhe do e votojnë

Nga gjykata prisnim që të deklaronte arrestin e paligjshëm.

Ligji ka parashikuar që brenda 10 ditsësh duhet të shprehen në SPAK.”, u shpreh ai.