Ermal Yzeiri, avokati i ish-ministrit të Shëndetësisë, Ilir Beqaj, pohoi pasditen e sotme se klinetit të tij dhe shumicës së personave që SPAK ka ushtruar kontroll banese, u janë sekuestruar telefonat celularë dhe kompjuterit.
“Ajo që ia vlen të komentoj është dëshira e Ilir Beqaj që të zhvillohen këto hetime. Se çfarë lidhje ka dhe nëse këto lidhje përbëjnë elementë të veprës penale, këtë duhet ta faktojë Prokuroria.
Di që janë sekuestruar kompjutera dhe celularët. Te të gjithë personat janë sekuestruar të gjitha materialet, si telefonat, kompjuterat. Vendimi i Gjykatës flet për përgjime ambientale. Kam dijeni për kontrollin në banesën e Beqajt”, tha avokati.
Ai është pyetur edhe lidhur me kontrolloin në banesat e të paktën 5 bashkëpunëtorëve të afërt të Beqajt gjatë kohës që drejtonte SASPAC, apo në zyrat e këtij të fundit, por avokati tha se nuk ishte në dijeni.
“Nuk jam në dijeni”, tha Yzeiri, duke iu shmangur komenteve mbi shumicën e pyetjeve të bëra.
Discussion about this post