Avokati i Enzi Mazen: Ai nuk ka bërë asgjë

Avokati i Ensi Mazes, 18-vjeçarit të akuzuar si bashkëpunëtor në vrasjen e Stiven Toshkesit, ka deklaruar se klienti i tij nuk ishte në dijeni të konfliktit mes dy personave. Pas dhënies së masës së sigurisë, avokati Tonin Prendi tha se Ensi nuk ka bërë asnjë veprime ndaj viktimës. Po ashtu, Prendi tha se klienti i tij është vetëdorëzuar në Polici e jo arrestuar siç ka dalë në media. Avokati tregoi se klienti i tij telefonoi të atin e tij për t’i treguar se ndodhet në zonën e ‘Arenës’ në Tiranë.

“Ensi nuk ka bërë asgjë. Siç shihet edhe në pamje ai largohet. Maze u përpoq që të shuante konfliktin, ai nuk ka parë asnjë lloj hanxhari, nuk është konfliktuar. Axeli nuk e ka informuar. Nuk ka pasur asnjë lloj dijenie. Familjarët e tij janë të lehtësuar, pasi ai nuk ka bërë asnjë veprim të dhunshëm ndaj pasagjerit.

E keni vu re që Maze nuk ka bërë asnjë veprim të dhunshëm. E keni parë, pasagjeri i ka gjuajtur me grushte. Pse nuk u dorezua? Ai ka komunikuar me të atin dhe i ka thënë se jam në stadiumin Arena. Vajza thotë se nuk ka pasur asnjë konflikt me Ensi Mazen.”

Çfarë ka ndodhur

20-vjeçari, Stiven Toshkësi u vra më 18 Prill në orën 00:35 në Rrugën ‘4 Dëshmorët’ në kryeqytet, pranë gjimnazit “Partizani”. Toshkesi u qëllua me thikë pas sherrit për të dashurën dhe nuk ka mundur t’i mbijetojë plagëve të rënda. Ai u plagos nga dy të rinjtë Ensi Maze dhe Axel Hoxhaj, të dy 18 vjeç.

Maze, i pari që përfundoi në pranga menjëherë pas ngjarjes ka deklaruar se nuk ka lidhje të drejtpërdrejtë me viktimën, por ishte vënë në dijeni të konfliktit nga shoku i tij, Axel Hoxhaj. Ky i fundit u vetëdorëzua një ditë më parë në Polici, falë ndihmës së familjarëve.

Maze ka shtuar se ka pak ditë që është kthyer nga Holanda ku është edhe me studime. E këto ditë kishte takuar edhe shokun e tij që i kishte rrëfyer për konfliktin që kishte me viktimën, ndërsa pretendonte se ky i fundit e kishte rrahur. Sipas Mazes, konflikti kishte nisur sepse një vajzë të cilën e pëlqente Axel Hoxhaj (që e kishte në të njëjtën klasë), ishte në një marrëdhënie me viktimën. Ngacmimet nga ana e Hoxhajt kanë bërë që Toshkëzi ta dhunonte “kundërshtarin” e tij, derisa u takuan, ku konflikti nis edhe njëherë.