Avokati i njohur Saimir Visha deklaroi në një intervistë për mediat, se në muajin tetor gjykata e Shkallës së Parë do të ketë furtunë nga dorëheqjet e gjyqtarëve që nuk kanë kaluar ende në sitën e vetingut.
“Në muajin Tetor, gjykata e shkallës së parë do ketë furtunë nga dorëheqjet. Ky veting duhet të shkojë deri në fund. Vetingu duhet të japë produktin që sjell ndryshimin. Por po shkon në drejtim të kundërt. Problemi i dytë është se nuk justifikoheshin, u rritën rrogat. Por as kjo nuk solli asnjë lloj përmirësimi. Ka avokatë shumë të mirë profesionalisht” – deklaroi Visha.
Visha më tej u shpreh se vetingu duhet të shkojë deri në fund të rrugës që ka nisur për pastrimin e sistemit të drejtësisë.
