Zgjedhja e Avokatit të Popullit është një tjetër pikë e nxehtë në agjendën e Parlamentit, kjo për faktin se është një proces që kërkon shumicë të cilësuar prej 84 votash.
Kandidati apo kandidatët për Avokatin e Popullit propozohen nga opozita, por duhet të votohen nga mazhoranca, e cila muaj më parë rrëzoi me votë propozimet që ishin bërë.
Lidhur me këtë proces ka folur sot Gazment Bardhi, i cili pas mbledhjes së Grupit Parlamentar të PD-së që u mbajt në Kukës, tha se Avokati i Popullit nuk mund të zgjidhet duke pirë cigare apo duke ngrënë pica me Edi Ramën.
“Ajo që kam kërkuar unë për Avokatin e Popullit e popullin merr shkas nga një shqetësim që ka ardhur nga përfaqësues të SHBA dhe BE, të cilët kanë kërkuar në dijeninë time edhe nga Grupi Parlamentar i Partisë Socialiste, që të çojnë para procesin e zgjedhjes së Avokatit të Popullit.
Avokati ka disa detyra te rëndësishme në kuadër të zbatimit te reformës në drejtësi, dhe për këtë arsye përfaqësuesit e SHBA dhe BE, kanë shprehur shqetësimin. Në kuadër të këtij shqetësimi kam vënë në lëvizje këtë proces. Jam përgjigjur një shqetësimi që na ka ardhur nga aleatët strategjik.
Kam propozuar që ky proces të mos jetë një 17 maj tjetër, ku avokati zgjidhet duket ngrën pica në një zyrë të Kuvendit, por një proces transparent. Nuk kam kërkuar të ulem me Çuçin, por nga Kryetarja e Kuvendit, në cilësinë e saj si kreu i Parlamentit të ndërtojë një proces transparent mes palëve.
Procese zgjedhore të institucioneve kushtetuese duke ngrënë pica e dukë pirë cigare me Edi Ramën janë të pa papranueshëm për grupin parlamentar të opozitës”, tha ai.
Discussion about this post