Një 51 vjeçar, me profesion avokat, ka rënë në prangat e policisë së Elbasanit për mashtrim. Gëzim Kovaçi i ka marrë një shumë prej 4200 eurosh klientes së tij dhe nuk ka kryer detyrat ligjore për të cilat ishte ngarkuar me prokurë. Ka qenë vetë klientja që ka denoncuar rastin.
Nga veprimet hetimore ka rezultar se kallëzuesja dhe familjarët e saj kishin autorizuar me prokurorë avokatin për të ndjekur dy çështje gjyqësore, një për pronësi dhe një për divorc, duke i dhënë 4200 euro por ai nuk kishte kryer asnjë veprim juridik për ndjekjen e këtyre çështjeve.
Njoftimi i policisë
Elbasan/Goditet një rast i mashtrimit me qëllim përfitimin e vlerave monetare.
I mori 4200 euro klientes së tij, përmes mashtrimit, dhe nuk kreu detyrimet ligjore për të cilat ishte ngarkuar me prokurë, arrestohet 51-vjeçari, me profesion avokat.
Strukturat hetimore të DVP Elbasan, pas kallëzimit nga një shtetase për një rast mashtrimi nga një avokat, kanë organizuar punën për kapjen e këtij shtetasi dhe për dokumentimin e plotë të këtij rasti.
Në vijim të veprimeve procedurale, u bë ndalimi i shtetasit G. K., 51 vjeç, banues në Elbasan, me profesion avokat.
Nga veprimet hetimore ka rezultuar se kallëzuesja dhe familjarët e saj kishin autorizuar me prokurorë shtetasin G. K., për të ndjekur në gjykatë, dy çështje gjyqësore (një çështje pronësie dhe një zgjidhje martese), dhe i kishin dhënë atij 4200 euro, por ai nuk kishte kryer asnjë veprim juridik për ndjekjen e këtyre çështjeve.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
Discussion about this post