Një polic grek është gjetur i pajetë në një gropë 65 metra të thellë. Mësohet se 42-vjeçari, baba i një fëmije, ka rënë brenda, duke mos i mbijetuar dot plagëve të marra.
Trupi i viktimës u nxor nga forcat e EMAK. Familjarët konfirmuan lajmin e hidhur dhe efektivi i cili shërbente në Nëndrejtorinë e Sigurisë së Atikës Perëndimore, u gjet i vdekur në humnerën që ndodhet pranë urës Tatarna dhe njihet edhe si “Vrima e Tatarnës”.
Makina e tij u gjet pasditen e së premtes pak metra larg humnerës. Ai e kishte mbyllur dhe e kishte lënë çelësin në timon, ndërsa brenda ishte edhe celulari. Duke u larguar nga fshati i tij ai tha se do të fuste karburant në makinë dhe nuk u kthye më.
Burrat e ekipit të kërkim-shpëtimit të alpinizmit të E.M.A.K., zbritën në humnerën e errët nga Lamia dhe Thomas Davarinos nga Shoqata Alpiniste Agrafon. Thjesht të përpiqesh të zbresësh nga “Vrima e Tatarnës” është tmerrësisht e vështirë, sepse muret janë të lëmuar dhe të lagësht. Kur ju duhet të gjeni dhe të merrni një trup, gjërat bëhen edhe më të vështira, raportoi media greke.
Mirëpo, përkundër vështirësive të tmerrshme që kanë hasur njerëzit e EMAK, me ndihmën e çmuar të alpinistit nga Agrafa, kanë arritur të nxjerrin trupin e policit fatkeq i cili u gjet në thellësinë 65 metra.
Discussion about this post