Në Katedralen “Ngjallja e Krishtit” në Tiranë janë duke u mbajtur homazhet për Kryepeshkopin, Anastas Janullatos.
Besimtarë e qytetarë të shumtë kanë nderuar Hirësinë e Tij Janullatos, duke kryer homazhe, të cilat do të vijojnë edhe përgjatë kësaj të mërkure.
Pjesë e këtyre homazheve ka qenë edhe Kryegjyshi Botëror Bektashian, Baba Mondi. Paraditen e ditës së sotme Baba Mondi ka nderuar figurën e Kryepeshkopit Anastas, për të cilin tha se ka pasur një frymë bashkëpunimi me të gjithë komunitetet fetare dhe se punoi me vetëmohim për të ngritur Kishën Ortodokse Shqiptare.
“Fortlumturia është një personalitet i Kishës Ortodokse Shqiptare i cili ka punuar me vetëmohim për ta ngritur këtë Kishë nga varri si të themi. Ka qenë njeri që ka bashkëpunuar me të gjitha komunitetet fetare, sidomos me mua personalisht. Dhe më vjen keq, çdo njeri largohet nga kjo botë, por ai largohet me një vepër që ka lënë pas Kishës Ortodokse shqiptare por edhe shqiptarëve, Ngushëllime i përcjell Kishës Ortodokse, Zoti e pastë në parajsat e veta”, tha Baba Mondi.
Discussion about this post