Eden Hazard mund të vazhdojë qëndrimin e tij në Madrid edhe pse nga klubi i Real Madrid i kanë ulur çmimin për ta shitur.
Ai pret të bëhet baba për herë të pestë, ndërsa çifti ka shprehur dëshirën që fëmija të lindte në Madrid, ose të paktën kështu raporton ‘Sport’. Kjo nënkupton se Chelsea, Newcastle, Lille dhe Juventus, do të duhet të presin të paktën deri në merkaton e verës.
Që nga transferimi i tij në vitin 2019, belgu nuk i ka përmbushur pritshmëritë dhe Real Madrid e ka humbur durimin dhe duan ta largojnë sa më shpejt.
Trajneri i ‘Los Blancos’, Carlo Ancelotti pret që belgu të bëhet një armë shtesë për gjysmën e dytë të sezonit nëse ai qëndron në Madrid.
“U desh pak kohë për të hyrë në ndeshje. Ai doli më mirë në pjesën e dytë. Ai nuk është mësuar të luajë në krahun e djathtë, por nga brenda ka kombinuar mirë me Karim Benzema. Mund të jetë një tjetër armë në gjysmën e dytë të sezonit”, -theksoi tekniku./K.T/Gijotina.com
Discussion about this post