Babai 70-vjeçar i David Beckham martohet për herë të dytë

Babai i legjendës së futbollit anglez, David Beckham, Ted Beckham është martuar në moshën 70-vjeçare.

Ai vendosi të kurorëzonte lidhjen me të dashurën 62-vjeçare, milioneren Hillary Meredith në një ceremoni private në Londër. Ted e ka këtë martesën e dytë, pasi u divorcua nga nëna e David, Sandra, në vitin 2002, pas 33 vitesh martesë raporton ‘Daily Mail’.

Çifti i ri janë njohur në  2019, kur ajo punonte për veteranët e ushtrisë në Broughton House Veteran Care Villag , ndërsa në mars të vitit të kaluar vendosën të fejoheshin pavarësisht kushteve të vështira të vendosura nga karantina.

Në njoftimin e bërë nga çifti për fejesën e tyre thuhej: “Ndërsa në botë po ndodhin gjëra shumë më të rëndësishme tani, ne jemi të emocionuar t’ju them se jemi të fejuar. Qëndroni të sigurt, të gjithë.”

Në këtë dasmë nuk kishte si të mungonte David dhe Victoria Beckham, si dhe 3 nga 4 fëmijët e tyre. Romeo, Cruz dhe Harper. Ndërsa djali i tyre i madh, Brooklyn, nuk ka mundur ta urojë gjyshin e tij nga afër, pasi ai aktualisht ndodhet në Amerikë./K.T/Gijotina.com