Babai 75-vjeçar denoncon zhdukjen e të birit në Elbasan: Kemi humbur kontaktet..

Një 50-vjeçar rezulton të jetë zhdukur në Elbasan. Denoncimi në Policinë e Elbasanit është bërë nga babai i personit të zhdukur, një 75-vjeçar, i cili është identifikuar me inicialet K.J.

Sipas Policisë së Elbasanit, me datë 24 janar i moshuari ka shkuar për të denoncuar largimin nga banesa të të birit, me të cilin ka humbur kontaktet prej disa ditësh.

Pas marrjes së denoncimit kanë nisur kërkimet për gjetjen e tij, por deri më tani nuk ka ende një njoftim për dyshimet e para të Policisë.