Srdjan Djokovic, babai i tenistit serb, Novak Djokoviç të dëbuar nga Australia për shkak se nuk ishte vaksinuar kundër Covid, ka reaguar duke akuzuar në rrjetet sociale se përpjekja për të vrarë tenistin më të mirë në botë ka përfunduar
“Përpjekja për të vrarë tenistin më të mirë në botë ka përfunduar, 50 plumba në gjoksin e Novak”, ka deklaruar i ati i Novak Djokoviç, pas vendimit për të birin për ta dëbuar nga Australia, duke i hequr kështu të drejtën për të marrë pjesë në ‘Australian Open’. Edhe Komiteti Olimpik Serb u rreshtua përkrah Djokovic.
“Pavarësisht këtij vendimi skandaloz, ne e konsiderojmë Novak edhe një herë fitues. Në mënyrë josportive ai u pengua të garonte për titullin e tij të dhjetë në Australian Open. Në veçanti, është e papranueshme të pritej të merrej një vendim një minutë para fillimit të turneut, në mënyrë që Novak të ishte në një situatë ndryshe nga tenisistët e tjerë, nëse i lejohej të qëndronte në Australi”., lexohet në një komunikatë të shpërndarë nga mediat australiane.
I njëjti mendim ndahet edhe nga Federata serbe e tenisit.
“Farsa ka mbaruar. Kësaj radhe politika e ka mundur sportin”, shkruhet në një deklaratë. Federata tha se Djokovic i plotësonte të gjitha kushtet për të hyrë në Australi, por “për shkak të presionit politik, viza e tij u anulua për ‘interes publik’. Ndërhyrja politike në sport ka hapur shumë çështje. Çfarë mesazhi po jep Australia, organizatorja dy herë e Lojërave Olimpike, në funksion të Lojërave 2032? Sportistët, edhe kur i plotësojnë në mënyrë adekuate të gjitha kushtet për hyrje në vende, mund të hiqen nga lista e pjesëmarrësve, të ndalohen si kriminelë dhe të dëbohen për vendime politike? Ne besojmë dhe shpresojmë që pas kësaj padrejtësie të kryer, jo vetëm ndaj një lojtari historikisht të suksesshëm, por edhe ndaj një personi të jashtëzakonshëm, Novak do të dalë më i mirë dhe më i fortë, si zakonisht”., thuhet në reagimin e Federatës serbe të Tenisit.
Discussion about this post