Pas përfundimit të mbledhjes së qeverisë, Ministri i Brendshëm, Bledi Çuçi është pyetur nga gazetarët edhe për planin e Policisë së Shtetit, në lidhje me Kuvendet Kombëtare që janë parashikuar të mbahen nga Partia Demokratike në 11 dhe 18 dhjetor.
“Nuk mund të ndalohen Kuvendet, do bëhen duke respektuar masat që janë në fuqi dhe besoj që është pyetje pa vend. Ka që në 1990 që nuk ndalohen më Kuvendet e partive”, tha Çuçi.
Gjithashtu, Çuçi u pyet për sa i përket thirrjes së babait së të ndjerit Klodian Rasha, i cili kërkoi që të zbardhet e vërteta sa i përket armës që u përfol se ishte gjetur pranë të birit, ministri deklaroi: “E para çdo gjë në lidhje me atë ngjarje është zbardhur në kohë rekord dhe në mënyrë profesionale. Nuk kam dijeni që Prokuroria të ketë mohuar një gjë të tillë. Ka pasur hetim të brendshëm në polici dhe një më gjithëpërfshirës në lidhje me ngjarjen”.
Me këtë përgjigje Çuçi i dha edhe njëherë lëvdata policisë së Shtetit, duke neglizhuar dhe injoruar kështu kërkesën e babait të Klodian Rashës që e vërteta të zbardhet.
Discussion about this post