Qazim Laçi është simboli i Kombëtares nëse bëhet fjalë për shpirtin dhe zemrën e Shqipërisë.
Sa herë që këndohet himni, mesfushori mbyll sytë dhe këndon himnin ku goja nxjerr fjalët e zemrës.
I ati i mesfushorit, Emin Laçi, në një intervistë, ka treguar jo pak detaje emocionuese.
“Në U-17 e Greqisë, e donin Qazim Laçin. Trajneri i Greqisë U-17 më thirri në zyrë dhe më kërkoi Qazimin, që ta merrte në Kombëtare. I thashë: “Të lutem, djali është mirënjohës për Greqinë, se e zhvilloi karrierën këtu, por mos ma bëj ftesën. Më lërë që të shkojë në Shqipëri.
Qazimi? Më tha direkt kur e pyetën se kë do mes Shqipërisë dhe Greqisë: “Dua Shqipërinë”. Atëherë qante me net nga gëzimi kur i vinte ftesa e Shqipërisë.
Frikë nga djegia në Greqi? Jo, i thashë: “Ke babin këtu”.
Kur humbëm ndaj Islandës dhe tifozët kërkuan lojtarët për të folur me ta, Qazimi u ul te shtylla me kokën ulur. I thashë: “Pse mo babi?”. Më tha: “A mo babi, këta tifozë nuk e meritojnë këtë, duhet të japësh shpirtin për ata tifozë. Nuk ma hapi telefonin pas ndeshjes, më ka marrë 24 orë pas ndeshjes, ditën tjetër pasdite.
E kam prenotuar hotelin në Gjermani. Mendoj se Europiani është mbyllur, vetëm të shkojmë si vendi i parë tani. E dua edhe unë Serbinë në grup. E dua vetëm për futboll, jo të ngatërrohem me dhunë e këto gjëra të tjera, vetëm një ndeshje futbolli që ne të fitojmë dhe t’i tregojmë…këta janë djemtë shqiptarë. Jam i bindur se do të fitonim ne”, tha Emin Laçi.
Discussion about this post