Të tjera fakte janë zbuluar nga krimi në familjen shqiptarë në Greqi ku burri 51-vjeçar vrau gruan me thikë në Zakynthos. Ka dhënë një dëshmi rrëqethëse djali i tyre 20-vjeç. Ai mes lotësh shprehet se babai e kishte dhunuar shumë herë mamanë dhe të gjithë e dinin që jeta e saj ishte në rrezik. Prej këtyre situatave, ai shprehet se fajtor ndihet edhe ai vetë e të tjerët që nuk morën masa për të mbrojtur jetën e nënës.
“Faji është i yni sepse nuk kishim marrë masat e nevojshme. Ky ishte gabimi më i madh i ynë. Unë dhe nëna ime folëm për këtë. Ajo ishte nëna perfekte, mua më vjen keq për vëllezërit e mi dhe duhet të gjejmë sa më parë një zgjidhje”, ka thënë mes të tjera djali.
Kujtojmë se 51-vjeçari u arrestua nga autoritetet greke, ndërsa dëshmoi se aktin e rëndë e ndërmori pasi sipas tij gruaja e tradhtonte.
Discussion about this post