Argjentina në këtë edicion të Botërorit “Katar 2022”, mund të mburret edhe me faktin se në gjirin e saj ka një futbollist si Aleksis Mek Alister.
Futbollisti i Brajtonit është pasardhës i një dinastie fantastike futbollistësh, duke qenë se babai i tij, Karlos Havier Mek Alister, ka qenë pjesë e kombëtareve të Argjentinës së epokës “Maradona”, duke luajtur krah Diegos.
Për më shumë, nëse më i vogli Aleksis luan në Angli te Brajton, edhe dy djemtë e tij të tjerë më të mëdhenj janë profesionistë: Kevin Mek Alister luan me Boka Zhunjorsin ndërsa Francis Mek Alister te Rozario Sentral. Madje ai së bashku me familjen e tij kanë themeluar edhe klubin Deportivo Mek Alister, duke treguar sesa e fortë është lidhje e tyre me sportin më të bukur në botë.
“Është normale që të qaj, sepse kjo që po përjetoj është diçka edhe më e bukur sesa ajo që më ndodhi mua. Të shohësh fëmijën tënd që të luajë për Kupën e Botës, si titullar i Argjentinës, është dhurata e jetës”, deklaroi pas fitores me Kroacinë Karlos Havier Mek Alister.
Discussion about this post