Një 16 vjeçare është larguar nga banesa e saj në Tiranë. Rasti është denoncuar në polici nga babai i të miturës.
Policia njofton se personi i identifikuar me iniciale F. K., 47 vjeç, ka kallëzuar se është larguar nga banesa dhe nuk është kthyer më, vajza e tij e mitur, e identifikuar me iniciale E. K., 16 vjeçe.
Punohet për gjetjen e saj. Materialet i kaluan Prokurorisë për veprime të mëtejshme procedurale.
Një rast i ngjashëm është konstatuar disa ditë më parë edhe në Vlorë. Një 37-vjeçar rezulton i zhdukur prej një muaji, ndërsa ka qenë e ëma e djalit, e cila e shqetësuar ka bërë denoncimin në polici.
Mësohet se 37-vjeçari me iniciale V. K., vuan nga probleme të shëndetit mendor, ndërsa policia po punon për gjetjen e tij.
“Në Komisariatin e Policisë Vlorë ka bërë kallëzim shtetasja A. K., 69 vjeçe, banuese në lagjen “Pavarësia 3”, Vlorë, se prej një muaji ka humbur kontaktet me djalin e saj, shtetasin V. K., 37 vjeç, i cili vuan nga shëndeti mendor. Po punohet për gjetjen e tij”, njofton policia.
Discussion about this post