Vrasja e 10- vjeçarit shqiptar në Itali nga babai polak, ka tronditur gjithë komunitetin Italian. “Engjëll i vogël do të jesh gjithmonë në zemrat tona“. Kjo është një nga pankartat që është shpalosur pranë shtëpisë së Matiasit.
I gjithë komuniteti është prekur nga ngjarja e rëndë duke i shprehur ngushëllime dhe mbështetje nënës së fëmijës, Mariola Rapaj.
Gruaja shqiptare ishte në punë në momentin që ish-partneri i saj u arratis nga spitali COVID duke shkuar në shtëpi dhe vrarë djalin e tij. Bazuar te dëshmitë e nënës, mediat italiane shkruajnë se djali nuk i përgjigjej në telefon dhe për këtë arsye e alarmuar, Mariola vrapoi drejt shtëpisë ku e gjeti të vdekur.
Drejtoresha e shkollës së Matias thotë se institucioni nuk ishte në dijeni të dinamikës delikate familjare.
Discussion about this post