Abuzimi me tenderët dhe shkelja e ligjit hapur për to duket se është kthyer në një hobi për Bashkinë Tiranë, për aq kohë sa askush nuk ja “tërheq veshin”. Këtë herë Veliaj e kishte ndarë mendjen që tenderin për “Plotësim me Sinjalistikë i Blloqeve të Parkimit të Rezidentit”, do ta dërgonte te një familje që njihet për kompanitë e mëdha dhe fitimet marramendëse me tenderët. Konkretisht tenderi në fjalë kap vlerat e 102 milionë lekëve dhe në garë kanë qenë vetë dy kompani, të cilat drejtoheshin njëra nga babi dhe njëra nga i biri.
Konkretisht, bëhet fjalë për kompaninë “RSM” është krijuar në vitin 2013 dhe zotërohet nga Nikolla Çaçi dhe kompaninë “SISI AL”, krijuar në vitin 2007 dhe është në pronësi të djalit të tij, Stefan Çaçi, i biri.
Ligji i prokurimeve dikton se në momentin kur kompanitë paraqesin ofertën, autoriteti prokurues duhet të bëjë verifikimet edhe për pikë që garuesit nuk duhet të kenë lidhje familjare me njeri-tjetrin. Por këtë rregull, Bashkia Tiranës e ka shkelur hapur dhe ka vazhduar garën dhe i ka dhënë tenderin kompaninë “SISI AL”, e cila ka paraqitur ofertën rreth 91 milionë lekë të vjetra pa TVSH në bashkëpunim me operatorin “Eral Construksion”.
Duke qenë se ka shkelur në mënyrë të drejtpërdrejtë ligjin “Për Prokurimet Publike”, ky tender është klasifikuar në listën e kontratave “Red Flag”, pasi lë hapësira për abuzim dhe cenon konkurrencën në treg./ E.H/Gijotina.com/
Discussion about this post