Një 52-vjeçar dhe djali i tij 23-vjeçar, u arrestuan këtë të martë nga policia e Tiranës, pasi dhunuan me sende të forta një person.
Sipas informacioneve paraprake të policisë bëhet me dije se babë e bir, pas një konflikti për motive të dobëta me shtetasin F.M., 53-vjeç, e kanë dhunuar këtë të fundit duke i shkaktuar dëmtime të shumta.
I lënduari është transportuar në spital, ku po merr kujdesin e nevojshëm mjekësor, ndërkohë që babai me djalin e tij janë arrestuar nga policia.
Materialet i kaluan Prokurorisë së Tiranës për veprime të mëtejshme.
“Specialistët për Hetimin e Krimeve të Komisariatit të Policisë Nr. 5 arrestuan shtetasin L. K., 52 vjeç dhe po punojnë për kapjen e shtetasit E. K., 23 vjeç (babë e bir), të dy banues në Bathore, pasi dyshohet se kanë goditur me sende të forta, për motive të dobëta, shtetasin F. M., 53 vjeç, banues në Tiranë, i cili ndodhet në spital, në kujdesin e mjekëve”, njofton policia.
Discussion about this post