Një masakër ka ndodhur pasditen e kësaj të mërkure në qytetin e Klosit, ku janë vrarë babë e bir si dhe janë plagosur dy të tjerë. Paraprakisht bëhet e ditur se viktimat janë të familjes Shira, konkretisht Liri Shira 46 vjeç dhe djali i tij Kenado Shira 17 vjeç.
Gazetarja Aida Topalli ka zbardhur detaje nga tragjedia, sipas së cilës babë e vir janë vrarë gabimisht pasi nuk kanë qenë objektivi i ngjarjes së rëndë. Sipas saj, ata ishin duke kaluar në qendër të bashkisë, kur plumbat që Besnik Mjeshtri do të shkrepte mbi shënjestrën e tij, Egli Hasula, zunë dy njerëz tërësisht të pafajshëm duke iu marrë jetën.
Statusi i gazetares:
“-Bab… edhe pak dhe bëj 18 vjeç… Nuk e di, të nis shkollën e lartë, apo të iki edhe unë andej…
-Jo mor bir… fillo shkollën… merr një zanat… ç’e do dheun e huj…
-Këtu ke frikë të dalësh në rrugë o bab. Ja, mund të jemi duke ecur… dhe kushedi nxjerr dikush armën e të vret…
-Mjaft me marina. Ne s’i kemi borxh kujt…”
….. Të shtëna me armë zjarri në Klos. Vritet një 17 vjeçar, plagoset rëndë dhe ndërron jetë në spital, babai i tij.
Ata ishin duke kaluar në qendër të bashkisë së vogël, pak kilometra larg Tiranës, kur plumbat që Besnik Mjeshtri do të shkrepte mbi shenjestrën e tij, Egli Hasula, zunë dy njerëz tërësisht të pafajshëm në këtë histori.
…. Histori të vjetra që dalin në skenë, sa herë që tenton të ngrejë kokën dikush.
…. Në mes të ditës, një njeri jo pak i njohur për policinë atje, del dhe shkrep armën pa iu dridhur qerpiku…
…. Guxim budallai që merr në qafë njerëz të pafajshëm.
…. Konfliktet për lojërat e fatit janë të hapura, këtë e dimë të gjithë… sikundër dimë që viktimat e konflikteve të tilla janë të pashmangshme.
Por ajo që më vret, janë të pafajshmit. E për më tepër, një 17 vjeçar, që ende nuk ka nisur të jetojë.
Discussion about this post