Gavi është nga lojtarët e rinj më të mirë aktualisht dhe paraqitja e tij me Barcelonën dhe Spanjën ka qenë deri tani spektakolare, pavarësisht se është vetëm 17 vjeç.
Mesfushori u formua në Los Palacios, një qytet sevilian me 38,000 banorë, nga ku erdhi edhe Jesús Navas dhe Fabián. Aty filloi të luante futboll, atje u rrit dhe aty nisën t’i vinin ‘ofertat’ për të luajtur në akademitë e skuadrave më të mira të Spanjës.
Adoleshenti e ka shprehur hapur dashurinë e madhe ndaj Barçës dhe duket se nuk ka ndër mend të largohet nga aty, por para se të shkonte në Katalunjë, ai pati oferta edhe nga dy klubet e Madridit.
“E di që Real Madrid dhe Atlético e donin atë, por kur ai shkoi në Barcelonë, ai u tha prindërve të tij: “Babi, më të mirët janë këtu dhe unë dua të luaj këtu”, ka treguar Manuel Vasco, nga trajnerët e parë të spanjollit.
“Fëmija synonte që në fillim, të gjitha klubet e mëdha… Betis dhe Sevilla janë të parët për shkak të afërsisë. Barcelona e nënshkroi atë në një turne që u zhvillua në Algarve, në të cilin ai u zgjodh si lojtari më i mirë dhe Barça e mori. Por para kësaj, mendoj se ai ishte në Madrid në të dyja skuadrat, dhe ata po e shikonin, dhe ai e kishte më të qartë se për të zgjedhur mes klubeve të tjera i pëlqente më shumë Barcelona”, ka thënë Vasco për gazetën katalanase “Sport”.
Discussion about this post