Gazetari Agim Baçi u shpreh se nëse ish-Kryeministri Sali Berisha arrin të fitojë betejën ligjore për çështjen që akuzohet nga SPAK, ai do të zhbëjë edhe “non grata-n”.
Në emisionin “Open”, Baçi tha se Berisha është ai që ka propozuar heqjen e imunitetit të deputetëve, atëherë në rastin konkret ai mund të veprojë sikur të mos kishte imunitet.
“Berisha ka qenë ish-President dhe ish-Kryeministër, ai mund të vendoste një tjetër standard në rastin e hetimit. Mund të shkonte në Gjykatë, të përballej me drejtësinë dhe të mos kapej pas procedurave.
Çfarë do të thotë Berisha nëse SPAK e çon kërkesën në Kuvend, pra do të respektojë këtë procedurë që sot e kërkon?
Në momentin që flasim Berisha po kapet pas procedurash, duke i dhënë rëndësi kësaj çështjeje. Nëse do të fitojë këtë betejë ligjore ai do të zhbënte edhe “non grata-n”, tha Baçi.
Discussion about this post