Presidenti Bajram Begaj ka dekretuar ligjin për Amnistinë Penale, miratuar në Kuvend javën e kaluar nga mazhoranca dhe PD e drejtuar nga Sali Berisha.
Projektligji i qeverisë u mbajt peng për mungesë votash për disa muaj dhe u ndryshua në komisionin e Ligjeve nga deputetët e shumicës, duke futur në kategoritë e përfituesve edhe subjektet e dënuar nga Gjykata e Posaçme.
Opozita e kundërshtoi këtë gjë, por në amendamentin e saj edhe pse përjashtohen zyrtarët e lartë shtetërorë, gjithsesi përfitojnë ulje dënimi zyrtarë të mesëm që janë dënuar për veprat penale që lidhen me korrupsionin.
Grupi Basha e cilësoi dakordësinë mazhorancë-opozitë për votimin e amnistisë një “marrëveshje ogurzezë”. “Sinjali që iu dha dje me amnistisë, gjithë admnistratës është vazhdoni vidhni, vazhdoni bëni korrupsion se ju mbrojmë ne”, tha Alibeaj në një deklaratë për mediat pas votimit.
Discussion about this post