Agjenti i Gareth Bale, Jonathan Barnett ka zbuluar së fundmi një moment kur lojtari i Real Madrid është acaruar me të dhe i ka ngritur zërin.
Në një intervistë për ‘Daily Mirror’ ai ka treguar se i ka propozuar në një moment Uellsianit që të bashkohej me Kombëtaren e Anglisë.
Kjo gjë nuk është pritur mirë nga lojtari, i cili ka ngritur zërin dhe i ka thënë; “Mos ma thuaj më një gjë të tillë nëse do të vazhdosh të jesh agjenti im”.
Rikujtojmë se 32-vjeçari e ka veshur 99 herë fanellën e Uellsit, duke shënuar plot 36 herë. Aktualisht Uellsi ndan vendin e dytë të grupit E me Çekinë, megjithatë ka luajtur më pak ndeshje se kjo e fundit. Ndërsa grupi udhëhiqet nga Belgjika me 5 pikë diferencë nga vendet e dyta./K.T/Gijotina.com
Discussion about this post