Beatrix Ramosaj është komentuar shumë kohët e fundit për shkak të situatës së krijuar në “Big Brother VIP Albania”, ku ajo refuzoi të ishte pjesë e darkës së banorëve me ish-banorët për shkak të hatërmbetjes së saj kundrejt batutave të Ermal Mamaqit dhe Salsano Rrapit.
Udhëtimi i saj në Dubai solli shumë polemika. Sot Beatrix ka reaguar ashpër ndaj opinionistes së Big Brother VIP, Balina Bodinaku duke e akuzuar për shpifje. Përmes disa postimeve në rrjete sociale, Beatrix ka bërë me dije se opinionistja ka aluduar se ajo ndodhet me pushime me të dashurin.
Këngëtarja ka publikuar një bisedë që ka zhvilluar Balina në Instagram lidhur me këtë spekulim. Këngëtarja po ashtu e akuzon opinionisten se e ka sulmuar disa herë brenda shtëpisë së “Big Brother VIP” dhe se e ka patur personale. Ajo shprehet se kjo është një shpifje ndërsa paralajmëron dhe masa ligjore ndaj saj.
“Të hamendësosh për jetën time private me shoqet e tua je e lirë ta bësh kur të duash por të mundohesh të influencosh mbështetësit e mi me shpifjet e tua nuk ta toleroj. Kështu si ke vepruar ti më vërteton që instiktin e kam pasur të saktë. Sa herë më ke sulmuar brenda shtëpisë së BBV e ke pasur personale.Mesa di unë nuk të kam rënë ndonjëherë në qafë, prandaj kjo të jetë hera e fundit që ti shpif për mua ose ndryshe do të ndjek rrugë ligjore.”, ka shkruar Beatrix.
Balina Bodinaku ka reaguar për herë të parë në lidhje me situatën e krijuar dhe ka folur në lidhje me dicka të tillë. “Është gjëja më absurde që më ka ndodhur këto kohë. Akuzat për përbaltje të imazhit dhe përdorim të komunikimeve personale më takojnë mua.
“Ky është komunikim nga Instagrami im me një person që mendoja se e njihja, por është account fallco. Nuk isha duke folur me Beatrix, siç është kuptuar nga disa.
“Kush dëshiron të shohë. E sheh. Më është prekur privatësia. Ky është komunikim personal dhe nuk ka lidhje me produksionin”, përfundon ajo reagimin e saj.
Discussion about this post