Seanca e sotme parlamentare është shoqëruar me debate mes mazhorancës dhe opozitës. Kreu i PD-së, Sali Berisha teksa doli në mbrojtje të protestave qytetarë për largimin e kryeministrin, propozoi që Rama të hiqet me mosbesim.
Berisha i bëri thirrje socialistëve që të mbajnë duart larg nga protesta, ndërsa theksoi se zëri i qytetarëve nuk mund të mposhtet kurrë.
“Ata kanë kërkesa shumë të drejta. Ju keni vendosur t‘i zgjidhni me kërcënime mafioze duke marrë bandat. Vlora Hyseni, agjentja e përbashkët e Ramës dhe e Vucic ka ka marrë ekspertë serbë anti demonstrata. Unë paralajmëroj urgjent hetim parlamentar. Larg duart nga protesta. Zëri i qytetarëve nuk mposhtet kurrë, pastaj do ikni si mi. Më mirë tani, burrërisht, kini guxim të votojmë ligjet, të heqim me mosbesim Ramën dhe ti japim zgjidhje krizës që do jetë shumë herë me e thellë në ditët dhe javët që do vijnë”, tha Berisha.
Kreu i Grupit Parlamentar të Partisë Socialiste, Taulant Balla replikoi me kreun e PD-së, Sali Berisha në Kuvend në lidhje me protestuesit që kanë dalë pasdite prej dy javësh kundër qeverisë dhe të gjithë klasës politike.
Balla i tha Berishës se është i fundit që mund të flasë në emër të protestuesve, ndërsa e sfidoi që t’u bashkohej atyre në shesh.
Sipas Ballës, ai ka kontribuuar në një nga kërkesat e protestuesve, të cilët kërkojnë edhe burgosjen e Berishës, pasi ka bërë një kallëzim ndaj tij në institucionet e drejtësisë.
“I fundit në këtë sallë që mund të flasë në emër të protestuesve është ky politikani këtu (drejtuar Berishës). Nëse do të zbatosh, unë të sfidoj Sali Berisha sot pasdite shko në protestë. Shkon dot në protestë? Provoje po ta mbajti.
Personalisht nga ana e protestuesve meritoj një falënderim se kam kontribuuar në një prej kërkesave të protestuesve. Unë e kam bërë një kallëzim për ty. I ftoj ta marrin në shqyrtim.
E mbani mend ditën e parë të protestës i quajte sikur i kemi nxjerrë ne. Ditën e dytë the që je kundër protestës. Ndërkohë që sot del zotrote jam përfaqësues i protestës. Pashë një gjë qesharake në Bruksel se pashë disa që thanë kemi ardhur këtu në Bruksel për të sjellë kërkesat e protestuesve. Je i fundit që mund të na bësh ndërmjetësit me protestuesit.”, tha Balla.
Discussion about this post