Balla drejtuesve të Policisë: Anuloni lejet, rrini në punë

Ministri i Brendshëm, Taulant Balla, u ka kërkuar drejtuesve të policisë të angazhohen dhe të jenë të gjithë në detyrë gjatë sezonit turistik.

Sipas “News24”, Balla ka kërkuar që nga ana e Policisë të garantohet një sezon turistik i qetë. Gjithashtu mësohet se ka kërkuar që lejet të shtyhen për një moment tjetër.

Taulant Balla mori detyrën e ministrit të Brendshëm rreth 1 javë më parë duke zëvendësuar në detyrë Bledi Çuçin, i cili u shkarkua nga Kryeministri Edi Rama, pas dhunës që pjesëtarë të fisit Rraja ushtruan ndaj dy qytetarëve.