Kreu i grupit parlamentar të Partisë Demokratike, Enkelejd Alibeaj ka dhënë një deklaratë të shkurtër për mediat pas nisjes së procedurave nga PS për zgjedhjen e Presidentit të ri dhe ftesës së Taulant Ballës për nisjen e konsultimeve me opozitën.
Para gazetarëve, Aliebeaj u shpreh se procesi për zgjedhjen e Presidentit duhet të jetë gjithëpërfshirës dhe transparent, ndërsa ftesës së Ballës për takim, u përgjigj duke thënë se do të vendoset pas mbledhjes me grupin parlamentar të PD.
“Presidenti i republikës është kryetari i shtetit dhe përfaqëson unitetin e popullit. Është më i rëndësishëm procesi sepse nëse është gjithëpërfshirës besoj se do të japë produktin e duhur. Duhet të nisë me këmbën e mbarë duke respektuar Kushtetutën. Për këtë arsye unë besoj që kushdo, në një ngjarje kaq të madhe, procesi do të duhet të jetë transparent dhe gjithëpërfshirës. Të gjithë e dimë që në raundin e 4-5, zgjidhet me votat e maxhorancës kjo nuk duhet përdorur si një mjet për ta futur në zarf, kjo e bën groteske dhe joserioze. Nesër në takim me Ballën? E kam thënë, grupi parlamentar i PD do të mbajë qëndrimin e tij. Tashmë është bërë rutinë mbledhja e grupit. Nuk është president i deputetëve, por i shqiptarëve”, tha Alibeaj.
Kujtojmë se sot PS zhvilloi mbledhjen e parë për nisjen e procedurave për zgjedhjen e e kreut të ri të shtetit, ku deputetët socialistë dhanë tre propozimet e tyre zgjedhjen e kreut të shtetit.
Discussion about this post