Kreu i grupit parlamentar të Partisë Socialiste, në një prononcim për mediat,komentoi debatin në seancë plenare si edhe largimin e opozitës nga salla. Balla u shpreh se nuk gjen arsye në vendimin e opozitës, ndërsa theksoi se koha për debate ka përfunduar.
“Unë nuk e fsheh keqardhjen me mungesën e arsyes për të ikur nga një seancë e cila ka dakortësi të plotë sepse subjektet miratojnë zgjedhjet e tyre.
Nuk mund të kemi debat me njëri tjetrin sipas neneve të kushtetutës, e drejta e mazhorancës për të pasur më shumë se një deputet, ajo që propozoj është që tu jepet më shumë kohë deputetëve të LSI për të propozuar antaret e komisioneve.
Uroj mos të përsëritet më në seancat pasardhëse, kemi një mandat të rëndësishëm për të cuar përpara dhe më e rëndësishmja është që nuk mund të gjenden arsye të paqena për debat apo për tu larguar.
Rregullorja e Kuvendit duhet respektuar” – u shpreh Balla.
Gjatë fjalës së tij, Balla u ngatërruar dhe gazetarët që kishte përballëi bëri deputetë, por më pas kërkoi falje.
“Kemi një mandat të rëndësishëm për të çuar përpara. Ju jeni vetë deputetë…
Gazetarët: Gazetarë
Taulant Balla: Po gazetarë….më falni…” -u shpreh Balla.
